Ryan《實現機師夢想,由交流到碩士,19歲已成為飛行導師 Flight Instructor》

Ryan《實現機師夢想,由交流到碩士,19歲已成為飛行導師 Flight Instructor》

Ryan《實現機師夢想,由交流到碩士,19歲已成為飛行導師 Flight Instructor》

Ryan《實現機師夢想,由交流到碩士,19歲已成為飛行導師 Flight Instructor》

 

學生出國讀書,各有各原因,有自願,有家長主導,有成績好,成績差,亦有逃避DSE……而我常會問學生將來想主修什麼或職業取向,大部份答案則相同 -----「唔知」。而今次分享的學生Ryan則屬少數,小小年紀已找到自己的興趣及未來的方向!想向機師或航空業發展。而他的「機師路線」便是由「1+2+2」計劃開展。

 

Ryan來自英中,在香港完成中三後,便往田納西州Tennessee做交流生。「升上中學後,考試及功課壓力不少,覺得辛苦左好多,又唔知入唔入到大學。咁啱爸爸知道CLC交流生計劃,於是我就試下。」Ryan憶述。「個Town得我一個華人,都好容易識朋友。出發前,無特別期望,之前去過英國、澳州Summer Tour,心想應大同小異。結果超乎想像的是host family接待家庭,非常好,當我呢個『陌生人』好似家人一樣,大部份活動都預埋我,例如去睇美式足球、去Orlando Disneyland等,知我對航空有興趣,便透過親友安排我參觀機場。我轉大學時,他們都好幫我,我們到現在還一直保持聯絡!」

「有沒有相處心得?」

「其實,我當時得15歲,沒有什麼秘訣,都係雙方行多一步,無可能日日都有野玩開開心心,有時都會有小磨擦,多溝通了解,漸漸建立關係。有野主動幫下手,唔好當人地係『阿四』,唔好匿埋係房,我仲試過整蛋撻比佢地食。Exchange那年肥左好多,好彩之後減番。」

「我基本上無Homesick,美國生活同學校都好適應。學業上,交流生那年最輕鬆,我讀Grade 10,不用死背死做,好多科都有90分以上。因為打算之後讀College,所以Credits同GPA的壓力亦唔大。」

 

「之後讀Green River College,最主要係16歲已可取錄,又有Pilot/Aviation讀,唔需要讀Grade 11 Grade 12 (中五中六),我TOEFL夠分,亦不用讀ESL(英文預備班)。」

「當時有冇驚似跳班,應付唔到?因為你行快左2年,你香港既同學讀中五,你讀Year 1,佢地等DSE放榜,你已Year 3。」我問。

Ryan續說:「可能先去交流生,有左體驗,所以唔係好擔心。我自小學已對飛機、飛機模型感興趣,一心想讀呢科,唔需要考DSE,可以提早兩年讀,早D接觸我的興趣,好開心。所以重點唔係快唔快,而係呢個pathway令我更容易讀到我想讀既野。」「我有同時讀High School Completion,係Green River 讀左2年(7個Quarters學季)百幾個Credits後便轉到Purdue University普渡大學Year 3。我無讀過Grade 11 Grade 12,都應付到,問題不大,不過College係讀書方面,無Exchange時咁輕鬆,因為始終係大學Year 1 Year 2課程,而且希望有好的GPA Transfer,所以都要花大部份時間溫書,一分耕耘一分收獲。」

「Green River Aviation的老師好專業,好nice。好巧合,我讀Green River時既Host都係Boeing波音工作。除學校上課外,我有自己安排飛行,第2年考左PPL (Private Pilot Licence),轉去Purdue之後,相繼考埋Commercial Pilot 同Instructor。」

「要讀什麼科目?」

「同其他Major一樣,有General Education科目要讀,例如:English, History, Calculus等,亦要選一些唔多關Aviation事的Electives,我選了Economics, Business, Psychology等。而其餘的都對Major有幫助,例如:Physics, Aviation Fundamentals, Airline Operation, Weather等。如果想考Pilot Licence就要另外安排飛行,亦要預算租機費用,我當時美國租機費較香港便宜。」

 

Ryan 19歲已獲Flight Instructor 資格,修畢學士後,再繼續碩士課程。他總括這些年的美國升學路徑,表示很感恩!因為得到很多人的幫助及專業意見,由香港的父母,Uncle,CLC,到美國的host Family,同學,Professor,instructor…..令他行少了「冤枉路」。而我覺得他除了獲得專業資格、獨立了之外,在待人接物、溝通上亦成熟了。相信,這亦是到海外升學的另一得著!