我依家住係Michigan, Rose City。初初o黎到真係好鍾意，覺得好特別，好靚，你知啦，US的環境比HK大得多，靚得多。空氣比HK Fresh得多，尤其我現在，可以講話離開市區，如果要去市區，大約10mins or 15mins 車程，雖然我完全enjoy and love o黎度的環境'、氣氛。不過因為我住郊區，去邊一定要麻煩我既Host Mom and Dad車出去，實在太唔方便，所以真係有十萬個唔慣，o係o黎邊的生活基本上一切都好順利，好開心，只係唔方便加上非常x1000想家而造成不順利。不過講真我的Host真係對我不薄，俾我食，俾我住，有時帶我周圍去，尤其我的Host mom and Host sister 簡直對我好似家人一樣，我生日又送o野俾我，有時佢o地見到d o野應該o岩我用o既，又會買俾我，所以我真係覺得好幸運，好開心同佢o地住埋一齊，只不過有時…可能始終佢o地有佢o地o既生活節奏，生活規則及方式，而我緊係要跟佢o地做事啦，始終我係客，佢o地係主。
而成績方面……………我依家的成績係4個A，2個B，(我修drama，choir，Adv. Math，Eng，Bio，US His，而我係Senior – Grade 12) ，所以真係好開心，好感動，o黎到先發覺…...原來自己都可以比心機讀好書。
對我o黎講HK同US的生活真係千萬個不同，例如上堂的情況，教學的方式，學校一切大小活動(不過係信上好難一一舉例，maybe返HK慢慢講你知啦)，而講到最後悔的事，我重記得我走o個日8月21日，鬼咁早就o係airport辦理check-in等等的手續，可能之前無預到自己咁早走……….…個心好急，好驚o黎樣，好驚o個樣，而且我的朋友喊住咁送我機，覺得我好亂，好驚，最終竟然忘記我的媽咪，daddy，細佬講一句再見or保重身體之類的o野，到我入閘再回頭一看，先記得我的家人，我見到我細佬向我揮手，向我講再見，但係我竟然忘記佢o地的存在，我的心有幾痛，有幾咁唔舒服，每一次諗返都一定會喊,一定會好後悔。
而最感激的人，當然係我的家人，尤其mummy，daddy，佢o地用左幾心棧同精神養大我，掙錢養我……………所以我感激我的父母與一直支持我的朋友。媽媽、爸爸，我愛你。
朋友，我送你一句話：
苦與樂，只是一線之差，
所以只要你能懂苦中作樂，
什麼難題，也只會變成經歷。 |
